pikavids

Ang dami naming napulot na interesting trivia and priceless anecdotes sa interview ni kasamang Butch Francisco sa mahusay at poging na aktor na si Joko Diaz.

For instance, siya pala ang first ever best child actor ng Film Academy of the Philippines. He won for the film Sigaw ng Katarungan with his Uncle FPJ (Fernando Poe, Jr.).

And when he was round 10-12 years old, noong hindi na raw siya makulit, ay ginawa siyang PA (personal assistant) ng kanyang daddy—ang dating pambasang kontrabida na si Pacquito Diaz. Siya daw ang taga-ayos ng mga gagamitin ng dad niya sa shooting at dahil metikuloso, natuto siyang maging as orderly as he was.

Maybe, unknown to him at that time, tine-train lang siya for the profession that he’s bound to inherit someday.

During his teen years, na-torn siya between basketball and showbiz. He’s a passionate ball player pero mas pinili niya ang showbiz dahil ang sabi raw ng dad niya, mas mabilis siyang magkaka-kotse pag nag-artista siya. And no regrets naman dahil nailipat naman niya sa acting ang passion niya sa pagba-basketball.

Nasabak agad siya noon sa mga action movies. Palibhasa, maganda ang built and such a looker, too. Akala daw nila ng kaibigan niyang junior action star din na si Ian Veneracion (na prinsipe naman ng OctoArts at that time, while siya ay sa Viva), umpisa na ng magandang kapalaran nila sa action genre. Hindi nila akalain na hindi magtatagal dahil it came to an early end nang mauso ang piracy.

But they persisted. Kaya nga up to now, eto pa rin sila at humahataw ang mga acting careers. Mga reliables pa rin especially him na may resurgence sa Viva Films. In fact, may ongoing film festival of sorts siya sa Vivamax—ang Siklo, Hugas, at ang mag-i-stream palang na Kinsenas, Katapusan (February 4). Tapos, kasali pa siya sa Darna fantaserye. Hataw, di ba?

Pero ang favorite naming sa mga kinuwento niya ay ang love story nila ng magandang misis niyang si Abby, a former flight stewardess just like his mom.

Nag-shooting daw sila noon sa Batangas for Angelito San Miguel: Ang Batang City Jail (1991). Doon niya nakilala si Abby. Pinormahan niya at nag-LDR sila of sort. Dahil wala pang internet at smart phone, PLDT long-distance calls ang naging medium ng panliligaw niya. But umabot ng 29K ang bill niya sa telepono. S’yempre, pasok sa eksena si the great Pacquito at sinabon siya nang bongga.

In short, naputol ang ugnayan. Until past forward to 12 years after, nagawi siya ng Batangas ulit and he just decided na dalawin ang restaurant ng pamilya ni Abby. They got reconnected and boom, tinuloy niya ang naunsyaming romance nila. They’ve been married for 17 years now and have two kids between them, si Ashley, 17, who is also now starting her acting career sa Viva; and Pacqui, 10.

Yup, he named him after his dad para makabawi daw siya ng bulyaw sa tatay niya. “Pacqui, tara dito!” Haha!

And speaking of his dad, one thing we learned sa interview na kung kamuhi-muhi man siya on-cam dahil sa napakahusay niyang mag-kontrabida ay kabaligtaran yon off-cam because Joko adored him as a father. Hindi raw matatarawan ang wisdom na in-impart nito sa kanya.

Kung may kaibahan man si Joko sa dad niya, mas maraming pagkakataon na nabigyan siya ng chance magbida at naka-explore nang mas maraming roles at genre. In fact, kakatapos lang niya sa isang light  role sa hit romcom serye na Marry Me, Marry You ng ABS-CBN, which he juxtaposes sa mga heavy villain roles naman niya sa mga Vivamax movies niya.

Pero kung pagko-kontrabida ang usapan, Joko tries living up to the legacy naman of his dad. Hindi naman siya nagpahuli. In such roles, dalawa lang ang mararamdaman mo sa kanya—muhi or takot. He’s that effective. Just like his iconic dad.

And just like his dad, he’s also the opposite offcam. Pati nga magsalita malumanay.

A gentle giant na testament ng mahusay na pagpapalaki sa kanya ng nag-iisang Pacquito Diaz.

This is Showbiz #39: Kylie Verzosa on beauty pageantry, depression, Jake Cuenca, and first starring role

This is Showbiz #40: “Crossover Queen” Glaiza de Castro at ang bunga ng kanyang mga pagsisikap

This is Showbiz #41: Kumustahan with 70’s matinee idol Dondon Nakar ng “Apat na Sikat”

This is Showbiz #42: Ken Chan, versatile actor na; versatile businessman pa

This is Showbiz #43: Barbie Forteza, graduate na sa “teen” roles; si Jak Roberto na ang the one

This is Showbiz #44: Usapang 90’s with Angelu de Leon & Bobby Andrews

FOLLOW US ONLINE: 
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
Tiktok: https://www.tiktok.com/@pikapikashowbiz
and join our Viber Community: tinyurl.com/PikaViber