Maaga palang ay ipinatawag na ni Viva head, Boss Vic del Rosario ang apat na anak na sina Vincent, Veronique, Valerie, at VR sa backstage ng main performance stage ng VivaCon para sabay-sabay nilang hintayin ang pagdating ni Megastar Sharon Cuneta na bibigyang parangal nila that night of August 4, 2019 bilang first ever Viva Icon awardee.
Gusto kasi ni Boss Vic na personal nilang salubunging ng pamilya ang Megastar na siyang kauna-unahang star ng ngayon ay 38 years old ng Viva Films.
Nang may mag-timbre kay Boss Vic na nasa holding room na si Sharon—na naging alaga rin ng kayang late wife na si Mina Aragon—ay agad siyang tumayo, sinenyasan ang mga anak, at nanguna sa pagkatok sa holding room nito.
Unang kinamayan ni Boss Vic si Senator Kiko Pangilinan na siyang escort ni Mega that night. Pagkatapos ay nagyakapan sila ni Sharon.
Pero halatang mas bumigay si Sharon nang isa-isa nang pumasok sa kuarto ang mga anak ni Boss Vic. Isa-isa niyang niyakap, hinalikan, at hinimas-himas ang mga mukha ng mga younger del Rosarios na itinuring niyang mga tunay kapatid, and vice versa.
Sabi nga si Sharon onstage later on, naging emotional siya dahil “it felt like home, it felt like family all over again.”
READ: “Kung walang Sharon, walang Viva.”—Boss Vic del Rosario
Matapos ang mahabang kumustahan ay niyaya na nilang lumabas si Sharon para ipanood ang hinanda nilang special video presentation na naglalaman ng mga key moments sa mga blockbuster niyang pelikula at mga messages mula sa mga espesyal na taong naging bahagi ng kanyang tagumpay sa Viva gaya nina Viva publicist Baby Gil, Direk Joel Lamangan, Robin Padilla, Christopher de Leon, at Cherie Gil.
Sa point na iyon ay muling napaluha backstage si Sharon dahil bawat napapanood niya brings back poignant Viva memories and “glorious feelings,” na ayon sa speech niya later on ay baka hindi na niya maramdamang muli ever.
Pagkatapos ng VTR, isang Sharon hits medley naman ipinapanood kay Sharon featuring Viva singers Kim Molina, Katrina Velarde, at Janine Teñoso.
When her moment to finally receive her recognition onstage, muli na namang napaiyak ang iyaking Megastar dahil hindi raw niya akalaing ganoong importansya ang ibibigay sa kanya ng Viva.
Akala daw niya ay aabutan lang siya ng plake tapos ay uwian na.
Kung susumahin, baka hindi lang sampung beses naluha si Sharon that night. And we can’t blame her. After all, Viva and Sharon, then and now, and even in the future, will always be a huge part of one another. They made history together and will definitely make new milestones in the days to come.
