Kagabi sa press conference ng Hello, Love, Goodbye ng Star Cinema, pinag-kwento ang mga cast members sa mga naging bonding experience nila sa Hong Kong.
Isang buwan kasing na-lock up ang cast doon para maging mabilis matapos ang pelikula na tungkol sa buhay ng mga OFWs natin doon.
Maraming kwento pero stand-out para sa amin ang pagta-try nilang mag-sauna ng mga girls, led by Kathryn Bernardo, Kakai Bautista, Lovely Abella, at ang bunso nilang si Maymay Entrata.
At dahil hindi naman masyadong part ng kultura natin ang pagsa-sauna, na-culture shock ang apat sa nagisnan nilang eksenahan sa loob nito. Lalo na si Maymay. Karamihan daw kasi ng mga babaeng nagsa-sauna ay naka-full nude at may ibang naka-underwear lang. Hindi raw kinaya ni Maymay ang eksena.
Pero super laugh trip dahil si Kakai ang bumabangka.
