Hindi raw inakala ni Ria Atayde na magkakaroon siya ng hosting job especially during this time of pandemic. Kaya naman nang alukin siya bilang isa sa tatlong female hosts ng Chika Besh, and daily morning talk show ng sumisiglang Kapatid Network na TV 5, ay hindi na nag-dilly-dally si Ria at um-oo agad kahit aware siyang wala siyang experience sa hosting kumpara sa mga kasama niyang sina Pokwang at Pauleen Luna.
At dahil siya nga ang pinaka-bagito sa grupo, kaya kinilig daw siya nang i-offer sa kanya ang nasabing hosting job.
“I mean, you know, aside from the fact you na at a time when everybody’s losing jobs and at a time na ngayon parang everybody’s so lost, here I am na parang hindi ko inakala na I’d get an opportunity this big,” tsika ni Ria sa exclusive interview ng pikapika.ph.
“So, kahit hindi ako comfortable sa idea at first, I said yes because it’s such a good opportunity. And who says no to blessings at a time like this, you know?”
Alam daw niyang marami pa siyang kailangan matutunan at i-improve as far as hosting is concerened and she’s trying her best naman daw.
“Hindi naman ako nag-workshop for hosting pa...” tila nanghihinayang na muni-muni niya. “I was supposed to, I wanted to before all of these [pandemic], even before the offer, I really wanted to because si Mommy pinipilit niya ako sa ganu’n. So, matagal ko ng plano pero never natuloy. So, parang I wasn’t prepared and then here we are.”
Buti nalang at may baon naman siya—her innate kadaldalan at articulateness. Kaya kahit kabado, madali naman siyang naka-blend sa matsitsika niyang kasama kahit first time din niyang maka-trabaho both of them.
“Makikita mo naman how they are as people na they’re both very open and they’re both very talkative and alam ninyo naman po na madaldal din ako so I feel that was a good starting point for us... nu’ng photoshoot palang, e...”
Prior to that ay nagka-virtual bonding naman daw silang tatlo along with the production staff kaya kahit paano ay nakapa na niya ang timpla nina Pokwang at Pauleen.
“Nu’ng before the photoshoot po kasi we had like a Zoom conference with everybody... parang pitching kung ano’ng magiging look ng place, pitching kung ano’ng magiging look namin sa show... if you notice, ’yong colors namin are really alive and all.”
Ngayong halos isang buwan na sila sa ere, enjoy na enjoy na daw ni Ria ang show.
“Hindi ko inakalang I’d enjoy it as much as I’m enjoying it now. It’s different from acting. It does demand a level of acting on my part pero it’s fun, okey din sya.”
When asked kung sino ang top three na gusting niyang ma-interview sa show in the future...
“My brother [Arjo Atayde], Kath [Bernardo], and Korina Sanchez... for a change para s’ya naman ’yong i-interview-hin.
As for topics, gusto raw niyang pinag-uusapan ang mga may kinalaman sa women empowerment, mental health issues, at self-love.
Marami pa kaming napagtsikahan ni Ria Atayde gaya nang kung paano hinandel ng pamilya nila a ng pagkakaroon ng Covid-19 ng parents niya, kung ano’ng pinagkakabisihan ni Arjo Atayde, at kung kumjusta ang puso niya.
So for the full interview, kindly click the video link above.
