"Ako na lang ang patayin niyo. Ako na lang na nanay, ako na lang. Pero wag na wag ang mga anak ko."
Ito ang pakiusap ng beteranang aktres na si Sylvia Sanchez sa bashers na nagbabanta sa buhay ng kaniyang pamilya ilang araw matapos makumpirma ang balitang “exclusively dating” ang kaniyang anak na si Arjo Atayde kay Maine Mendoza.
Kaugnay ang pakiusap ni Sylvia sa kanyang Twitter outburst noong Biyernes, kung kailan sinagot niya ang ilang miyembro ng AlDub Nation, ang mga tagahanga ng tambalang Maine Mendoza at Alden Richards, matapos nilang sabihin na ginagamit lang ni Arjo si Maine upang lalong sumikat.
Nagbigay ang aktres ng oras at lokasyon sa mga nasabing basher upang makausap niya sila.
Narito ang tweets si Sylvia:
Oo ina ako at naiintindihan ko ang sinasabi mo, naiintindihan ko si @mainedcm @arjoatayde naiintindihan din kita @TheFaulkersons at naiintindohan ko din nararamdaman ngayon ng ina ni maine, halika! Usap tayo, bilang mga ina, bukas kita tayo, maxim resorts world coffee shop 7pm https://t.co/sUqmIUO5eF
— SylviaSanchez Atayde (@sylviasanchez_a) January 25, 2019
Anong kasinungalingan ang ginawa at sinabi ni arjo? Alam mo ba ang buong pangyayari? Kung may mga tanong ka at gusto mong marinig lhat ng sagot sa mga tanong mo, tara! Makipagkita ka bukas, usap tayo! Ako msmo ang sasagot sa lahat ng mga gusto mong malaman. https://t.co/OGscKa7Pbe
— SylviaSanchez Atayde (@sylviasanchez_a) January 25, 2019
Yes, Action speaks louder thn words kaya nga gusto ktng makausap para direkta mong masabi sa akin lht ng hinaing at galit mo, Kaya nga niyayaya kita bukas mgkta kasi ayaw ko dito makipag usap, gusto ko personal. Matitino tayong tao, kaya usap usap tayo ng matino, personal! https://t.co/pbeZtXLE31
— SylviaSanchez Atayde (@sylviasanchez_a) January 25, 2019
Mag inang mapagbanta? Kami nga binabantaan nyo eh!! Patayin ako, arjo n ria? Kami pa ang mapagbanta? Isip isip ka hah!!! Magpakita ka bukas, usap tayo!! Wag kng magtago sa acnt na to ng walang mukha! Kung matapang ka labas mo mukha mo dito!!! https://t.co/xHwsScZVLI
— SylviaSanchez Atayde (@sylviasanchez_a) January 25, 2019
Sa presscon ng Jesusa ngayong araw ay maluha-luhang pinaliwanag ni Sylvia na wala siyang masamang balak nang imbitahan ang bashers na makipagkita.
Paliwanag ni Sylvia: "Hindi ako makikipag-usap sa kanya dahil manggugulo ako, hindi ako makikipag-usap sa kanya dahil mang-aaway ako. Hindi ako palaaway na tao."
Pero ang hindi daw matiis ng aktres ay ang mga banta sa buhay ng kaniyang pamilya, na iniinda niya mula pa noong Setyembre.
Naluluhang sabi ng aktres: "Tiniis ko lahat since September. Bumigay ako no'ng Friday, last Friday.
"Ina ako na nagtitimpi, ina ako na nasasaktan para sa mga anak ko. Sinong ina na lalaitin yung anak mo? Masakit yon.
Pero 'yong makita ko na sabihin ng mga AlDub Nation fans, hindi naman lahat kasi naniniwala pa rin ako na merong mga fans ang AlDub na mababait, na good heart, pero may mga bashers talaga.
Ito na lang pakiusap ko sa inyo bilang ina. Yung pagbabanta nyo na patayin si Ria, si Arjo, ako, asawa ko... ako na lang. Ako na lang.
"Barilin nyo ako, tanggalin nyo ang buhay ko sakin. Ako na lang. Bilang nanay, wag 'yong anak ko. Wag na sila. Ako na lang.
Nakikiusap ako, ako na lang patayin nyo. Yon lang."
Unang na-link si Arjo kay Maine habang shino-shoot ang pelikula nilang Jack Em Popoy na pinagbidahan din nina Vic Sotto at Coco Martin. Nakita ang dalawa sa publiko ng ilang beses ngunit nitong huling Linggo lang umamin si Arjo na "exclusively dating" nga sila ni Maine.
