Habang sinusulat namin ito ay nasa more than 4.5M na ang combined views ng official trailer ng Gluta ni Darryl Yap.
Malamang ay lalong mag-iinit ang puwet ng mga haters at bashers ng prolific but controversial director.
Ipapalabas na sa Biyernes, June 11, sa Vivamax ang kanya ring Ang Babaeng Walang Pakiramdam na na-bash dahil sa ginawa umanong katatawanan ang ngongo character ng male lead na si Jerald Napoles. Despite the bashing, ang mga trailers nito ay nagtala naman ng more than 50 million views across all social media pages ng Viva at VinCentiments na siyang producers ng pelikula.
Sa July 2 naman magsisimulang mai-stream ang Gluta na istorya ng isang Aeta’ng babae na nangangarap maging beauty queen despite the pangungutya ng lipunan.
Lumilikha ng panibagong ingay ang bagong akda ni Darryl Yap dahil bakit daw hindi tunay na Aeta ang kinuhang bida if it’s truly to represent the Aeta community.
Umabot na pala ang diskusyon sa podcast ni DJ Mo Twister. Hindi na siguro kami magtataka kung aabot ang hinaing ng mga bashers kay Raffy Tulfo?
Pero according sa matapang na director ng Gluta: “Sorry for the term, but I think too much political correctness is bullshit in cinemas. If I’m going to cast a real Aeta, I think that will also hinder us to share the purest communication of a movie and it’s separation from reality.
“Actors and artists are there to actually convey the story. It’s a reflection of reality but what you will see in the film is not exactly reality itself.”
Napa-lecture tuloy ang director.
Oo nga naman. Hindi naman realistic, movie-wise, kung real Aeta ang gagamitin. Ano, acting workshop to the max muna samantalang may excellent actors naman na p’wedeng gumanap?
Masyadong maraming kuda ang tao ngayon. Noong araw, wala naman sigurong nag-protesta nang magbida ang the great late Manileño actor na si Tony Santos Sr. sa Badjao: The Sea Gypsies (1957) ni Lamberto Avellana. Pasok din si Madam Charito Solis as Igorota (1968) ni Luis Nepumuceno. Istorya ng mga Ifugao ang Banaue: Stairway to the Sky (1975) ni Gerardo de Leon, pero hindi naman Ifugaos ang mga nagbidang sina Nora Aunor at Christopher de Leon.
Kung gagawa ka ba ng biopic ni Rizal sa panahon na ito, bubuhayin mo ba si Rizal o hahanapin mo ang kalahi ni Rizal para sila ang paganapin mo para hindi ka maka-offend? Hindi na papasa sina Cesar Montano, Albert Martinez, at Alden Richards dahil hindi nila nabasa from cover to cover ang Noli me Tangere?
In Gluta’s case, si Ella Cruz, ang napili ni Direk Darryl at ng Viva para paitimin at gumanap as the Aeta lass, Angel. And as Direk Darryl puts it, it’s because she’s an “exceptional” actress. And we agree. She’s not a Cinemalaya best supporting actress for nothing.
“If people will say that I’m problematic because of making Ella a darker person just to convey a story, it’s their opinion but I don’t accept that as a fact.
“And Ella, more than the skin, is very similar to the hearts of her Aeta friends. Ella landed the role because Ella is very exceptional.”
May mga bitplayers namang real Aetas sa pelikula. At ngayong naglalabas naman si Direk Darryl ng mga litrato with the authentic members ng Aeta community, malamang na ang next bashing ay exploitation of indigenous people.
Born and raised sa Zambales si Darryl and we’re quite sure, mahal at proud siya sa mga ito. Kung gumawa man siya ng feature film na tungkol sa isang member ng community nila at ang setting ay ang mismong lugar nila, hindi naman ito para dungisan ang dangal nila as people.
“Let me assure you that the representation is very careful, very sensitive, to the point that I have consultants and I have organizations backing the film,” pagtatapos niya.
Gluta, which also stars Marco Gallo, Arlene Muhlach, Rose Van Ginkel, Juliana Parizcova Segovia, Jobelyn Manuel, and Loren Montemayor Mariñas, will begin streaming on Vivamax on July 2.
YOU MAY ALSO LIKE:
Direk Darryl Yap, sinadista si Kim Molina; pinatalon ng 200-meters high na “walang reaksyon.”
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
and join our Viber Community: tinyurl.com/PikaViber
