Hindi napigilang matawa at napasigaw ang mga tao sa set ng Fast Talk With Boy Abunda kahapon, August 8, nang sumalang bilang celebrity guest ang TV host-comedian na si Ryan Bang.
Unexpected kasi ang naging sagot ng Pinoy-at-heart Korean kay Boy Abunda nang matanong siya nito kung sinong Kapuso actress ang gusto niyang maging leading lady sa pelikula if ever na mabigyan siya ng chance.
Walang kagatul-gatol na sumagot si Ryan ng "Annette Gozon" na siyang ikinatawa ng mga tao sa set.
Si Atty. Annette Gozon-Valdes ang senior vice president ng GMA Network na kasalukuyan ding napapanood bilang hurado sa reality talent competition na Battle of the Judges.
"Oo! Mukha s’yang Korean. Mukha s’yang Korean. Mukha s'yang Korean," paulit-ulit na pangungumbinsi ni Ryan.
Iyon daw ang dahilan kaya tingin niya ay magiging perfect pair sila onscreen.
"Bagay kami. Mukha s’yang Korean," saad pa niya.
"Alam mo, marunong kang pumili ha," natatawang komento naman ni Tito Boy na isa sa co-judges ni Atty. Annette sa Battle of the Judges.
Ayon naman sa It’s Showtime co-host, magiging bongga raw ang TV project nila kung sakaling maging magka-love team sila ng GMA executive.
"Oo, leading lady. Para pagkatapos ng Fast Talk [With Boy Abunda], 24 Oras, [and then] five hours teleserye namin," pagbibiro pa niya.
Samantala, inamin ni Ryan na meron siyang nililigawan ngayon kaya natanong siya ng King of Talk kung ano ang pagkakaiba ng Korean girlfriend at Filipina girlfriend para sa kanya.
"Ang Korean girlfriend selosa. Ang Pinay mas selosa. Hahahaha! Pero maalaga kasi ang mga Pinay...mas maalaga," pagtatapos niya.
Napapanood si Ryan Bang sa Kapamilya noontime show na It's Showtime na umeere naman sa GTV, ang subsidiary channel ng Kapuso network.
YOU MAY ALSO LIKE:
Ryan Bang helps viral Korean ramen vendor in Las Piñas go home to South Korea
Ryan Bang, hinalikan ni Angelica Panganiban
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
