Naging emosyonal ang singer-actress and TV host na si Regine Velasquez nang mapag-usapan ang naging setup nila noon ng mister n’yang si Ogie Alcasid.
Naganap ito sa episode ng Kapamilya morning show na Magandang Buhay kahapon, March 21, kung saan nagkaroon sila ng chance basahin ang sulat mula sa nagpakilalang si Sassy Lady.
Ayon sa letter sender, dati daw s’yang “other woman” dahil nabulag s’ya noon sa pag-ibig. Although nakipaghiwalay na s’ya sa nobyo n’yang may asawa na, tinatanong n’ya kung bakit ganu’n kasakit ang nararamdaman n’ya gayong tama naman ang kanyang naging pasya.
Dito napa-throwback ang isa sa hosts ng show na si Regine (na pumalit kay Karla Estrada na tumatakbo ngayon as representative ng isang party list) na naka-relate pala sa sitwasyon ni Sassy Lady.
Aniya, halos pareho daw kasi ang kuwento nu’n sa naging set up nila noon ng husband n’yang si Ogie.
“I just have to say the story of me and my husband was kind of similar. I mean, with the stories that we have here. Ganu’n talaga. My husband and I started that way. Pero ’yon kasi, we were good friends, hindi ko naman sinasadya [na ma-fall in love] kasi p’wede rin namang mangyari ’yon, e,” pagbabahagi ng tinaguriang Asia’s Songbird kina Jolina Magdangal at Melai Cantiveros.
Hindi naman daw niya intensyon ang makasakit ng iba. In their case, ang nasaktan nila ay ang dating wife ni Ogie, ang Australian beauty queen na si Michelle van Eimeren, with whom he has two daughters.
“Kagaya ng sinabi mo [Jolina] na, ‘Hindi mo naman pinipili ang mga mamahalin mo, e.’ Hindi mo naman… Parang gusto ko bang sadyain ’yon na merong masaktan, ’di ba? May mga matitinong tao na hindi naman ’yong iniisip nila. It’s just that sometimes it happened,” lahad pa n’ya.
“Hindi ko alam kung anong nangyayari sa marriage nila at that time. I don’t know kasi hindi naman ako kasali doon, e. But it happened.”
Kung maibabalik lang daw sana ang panahon, mas pipiliin n’ya daw na hindi makasakit sa iba.
“I just have to say it was so difficult,” patuloy na pag-amin niya. “And if I can bring back the time… I love my husband but if I can bring back the time siguro mas gugustuhin ko na wala kaming nasaktan, na walang dalawang bata nag-suffer because we wanted to be together.
At tila pag-a-advise naman niya sa letter sender...“And like you said, kunwari meron kang nagustuhan na tao…may asawa pala hindi mo alam. Before you really make yourself involved with this person, isipin mo muna sa sarili mo kung kaya mo panindigan ’yon.”
“Kasi it’s really, very, very difficult to be in that [situation]. Kung matino kang tao, ah. Kung hindi ka matino, e ’di, parang deadma ka na lang, ’di ba? Wala kang paki. Minsan mahirap din maging matinong tao pala,” natatawang biro pa n’ya.
Pag-amin pa ni Regine, binabagabag pa rin daw s’ya ng konsensya tungkol dito up to this time.
“Kasi, you know, for a while I have to say, I have to live with that guilt forever. Like, I was living with that guilt,” patuloy na pag-o-open up ni Songbird.
“My husband would say, ‘It’s not about you. It’s about me and Michelle.’ But even then, I was there, I was part of it, I was the third party.”
Iyon daw ang dahilan kaya hanggang ngayon paulit-ulit n’yang sinusubukan na patawarin ang kanyang sarili.
“And for a time, na-forgive na ako ni Michelle, na-forgive na ako ng mga tao, except me. I wasn’t forgiving myself and I’m still working it. Naiiyak tuloy ako,” saad pa n’ya habang pinipigilang maluha.
“Every now and then I would remember what happened to us and I’d still be guilty. Mahirap din in that situation na hindi mo sinasadya na magmahal ng tao. And I’m a decent person and I don’t want to hurt anyone. That’s the last thing that I would want in my life,” pagtatapos ni Regine.
Matatandaan na ikinasal sina Michelle at Ogie noong 1996 at nagkaroon ng dalawang anak, sina Leila at Sarah.
Hindi malinaw kung anong taon naghiwalay sina Ogie at Michelle pero as early as 2003 ay may mga ispekulasyon na ukol sa pagkakaroon ng ugnayan nina Ogie at Regine.
Taoong 2007 naman nang aminin na ni Ogie Alcasid ang katotohanan tungkol sa relasyon nila ni Regine.
In time, naging maayos naman ang lahat lalo na between Regine and Michelle. Nagkapatawaran, so to speak. In fact, naging guest pa sina Ogie at Regine nang ikasal si Michelle sa mister nitong si Mark Murrow sa Australia noong 2009.
Nang sumunod na taon naman, 2010, nang magpakasal sina Ogie at Regine, at biniyayaan sila ng unico hijo, si Nate.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
