Rabiya Mateo, inulan ng congratulatory messages mula sa mga nagdaang Bb./Miss Universe Philippines titleholders

PHOTOS: @OfficialShamceySupsup on Facebook INSET: @piawurtzbach & @catriona_gray on Instagram

PHOTOS: @OfficialShamceySupsup on Facebook INSET: @piawurtzbach & @catriona_gray on Instagram

Bagama’t bigo ang pambato ng Pilipinas na si Rabiya Mateo na maiuwi ang ikalima sanang Miss Universe crown ng bansa ay bumuhos naman ang pagmamahal at suporta sa kanya ng mga nagdaang Miss Universe Philippines titleholders. 

Kanina, May 17, matagumpay na nakalusot sa Top 21 ng kompetisyon ang Ilongga beauty queen kaya’t nakapagpakitang gilas pa s’ya sa swimsuit round. Nangangahulugan din ‘yon na naipagpatuloy ni Rabiya ang semi-final penetration streak ng bansa sa Miss Universe na ngayon ay nasa eleventh year na. 

However, hindi na umabante pa si Rabiya sa Top 10 na para sana sa evening gown competition. 

Gayunpaman, hindi naman s’ya nawalan ng suporta mula sa kanyang mga predecessors na itinuturing n’yang mga ate. 

Nangunguna na d’yan si Miriam Quiambao na nanalong Miss Universe 1999 First Runner-up. 

“We are proud of you, @rabiyamateo !! You were amazing and you are still our MISS UNIVERSE!!” ani Miriam sa kanyang Instagram post.

“God has an amazing plan for you!,” dagdag pa ng beauty queen-turned-inspirational speaker. “For I know the plans I have for you,’ says the Lord, ‘plans to prosper you, not to when you — plans to give you a hope and a future.’”

Si Miriam ang huling Pinay beauty queen na nagka-placement sa Miss Universe noong 1999 bago nagkaroon ng ten-year drought sa nasabing beauty pageant ang Pilipinas na winakasan naman ni Venus Raj noong 2010 matapos itong magwagi bilang fourth runner-up that year. 

Pinuri naman ni Miss Universe 2011 Third Runner-up at Miss Universe Philippines National Director Shamcey Supsup si Rabiya sa dedication nito na mairepresenta ang Pilipinas. 

“To @rabiyamateo , you have shown us what it means to be relentless, unyielding and unstoppable in the pursuit of your dreams,” lahad ng pageant director sa kanyang social media.

“Despite the setbacks, critics and failures, you continued to wear the Philippine sash with pride and love. And for that, you are a winner, not just in my eyes but in the hearts of millions of Filipinos around the world. Padayon!”

 

"Set goals not just for the outcome itself, but for who you get to become in the process." To @rabiyamateo , you have...

Posted by Shamcey Supsup on Sunday, May 16, 2021

Nagpaabot din ng kanilang suporta kay Rabiya ang recent Miss Universe winners ng Pilipinas na sina Catriona Gray at Pia Wurtzbach

“Woooow this year is intense!!” said Catriona who won Miss Universe crown last 2018 in Thailand. “Sending Rabiya all of our love! She made our country proud! 11 Year consecutive semi-streak Pilipinassss”

Sey naman ng Miss Universe 2015 winner na si Pia, “RABIYA WE LOVE YOU thank you for pouring your heart for the Philippines We see your heart Queen.”

Hindi rin naman nagpahuli ang supportive Pinay queens na sina Janine Tugonon at MJ Lastimosa na kapwa pinanood ng live ang laban ni Rabiya sa Seminole Hard Rock Hotel & Casino sa Florida. 

“Rabiya langga love you so much!!!!!” simpleng pahayag sa Twitter ni MJ who made it to the Top 10 of Miss Universe last 2014.

“Mahal ka namin Rabiya!” tweet naman ni Janine na nagwaging Miss Universe 2012 First Runner-up. “Salamat sa pagrepresenta sa ating bansa! You worked so hard and we are proud of you.”

May kanya-kanya namang post sa Instagram Stories ang ilan pang beauty queens gaya ni Miss Universe 2013 Third Runner-up Ariella Arida.

Sabi n’ya, “Still a good fight!! Mahal ka namin @rabiyamateo”

SCREENSHOT: @araarida on Instagram

Nag-share din si Miss Universe 2016 Top 6 finalist Maxine Medina ng IG post ng beauty camp nila na Aces & Queens kung saan nakalagay ang katagang “WE ARE SO PROUD OF YOU!” para kay Rabiya.

SCREENSHOT: @maxine_medina on Instagram

“@rabiyamateo you represented the Philippines so well,” mensahe naman ni Rachel Peters na naging Top 10 finalist during the 2017 edition of Miss Universe. 

SCREENSHOT: @rachelpetersx on Instagram

Sey naman ni Gazini Ganados who also made it to the Top 20 of Miss Universe last 2019 at s’yang nagkorona mismo kay Rabiya last October 2020, “We are sooooo proud of you @rabiyamateo. You have represented the Philippines with beauty and grace.”

SCREENSHOT: @gazinii on Instagram

Thank you for representing our country to the Miss Universe, Rabiya!

 

YOU MAY ALSO LIKE:

Rabiya Mateo, kinilig sa surprise video greeting sa kanya ni Kathryn Bernardo

Manny Halasan, kinikilabutan sa tuwing maiisip na nakapag-collab pa rin sila ng late designer na si Rocky Gathercole kahit papaano para sa national costume ni Rabiya Mateo

Patikim ng international fashion designer na si Furne Amato sa gown na isusuot ni Rabiya sa Miss Universe finals: “[The] gown is like energy. May energy s’ya.”

 

FOLLOW US ONLINE: 

Facebook: https://www.facebook.com/pikapikashowbiz

Twitter: https://twitter.com/pikapikaph

Instagram: https://www.instagram.com/pikapikaph/

YouTube: https://www.youtube.com/pikapikashowbiz

and join our Viber Community: https://tinyurl.com/PikaViber

Welcome to pikapika.ph! We use cookies to ensure your best experience when browsing this site. Continuing to use pikapika.ph means you agree to our privacy policy and use of cookies.