pikadaily

Pahayag ni Rendon Labador ngayong naibalik na ang Facebook page niya: “Lab lab muna tayong lahat.”; pero may hirit pa rin kina Vice Ganda, Joey de Leon, at Cristy Fermin

by Tom Pornel /

10.02.23
Like

PHOTOS: @rendonlabadorfitness @vicegandaofficialph on FB, @angpoetnyo on IG, OnePH on YouTube

Ngayong nagbago na raw s’ya, sinabihan ni Rendon Labador si Joey de Leon na magbago na rin. Humiling din s’ya kay Vice Ganda na mag-sorry sa publiko dahil sa kinasangkutan nitong issue sa It’s Showtime.

Matapos ang ilang araw na pagkawala ng kanyang Facebook page, heto’t active na muli sa nasabing social media platform ang controversial online personality na si Rendon Labador.

Naibalik na kasi ang na-delete n’yang account last September 7 na ayon sa kanya ay kagagawan daw ng mga fans nina Coco Martin at Vice Ganda.

At ngayong nakabalik na s’ya sa FB, nagpahiwatig ang self-proclaimed motivational speaker na pe-preno muna s’ya sa pandadaot sa mga artista na normal n’yang ginagawa in the past.

“I’m back!!! Namiss nyo ba ako? Kumusta kayong lahat, Pilipinas??? Lab lab muna tayong lahat, ayos ba?” pahayag n’ya sa kanyang FB post with matching hashtags #LabLabLabador #StayMotivated.

Ganu’n pa man, tila hindi n’ya natiis na hindi makahirit kay Joey de Leon na kontrobersyal ngayon dahil sa “lubid joke” nito sa noontime show na E.A.T.

Dahil may bagong parinig kahapon, October 1 sa kanyang bashers ang tinaguriang Henyo Master, pinuna s’ya ni Rendon.

Narito ang parinig ng veteran comedian sa kanyang post sa X [formerly Twitter]:

“AYON KAY @michaelbitoygma ,ISINATULA NG @AngPoetNyo
‘Mahirap na ngayong magpatawa.’
Marami na ngayong namumuna,
Tingin nila mas magaling sila,
Sila ang dapat narito pala!
Eh ano ang tawag sa kanila?
Kung sa lugar mo’y ang tagal mo na?
Mas kwela sila palagay nila Ayunnn…INGGITERO’T INGGITERA!”

Maikling panawagan sa kanya ni Rendon sa isang comment section: “Joey De Leon mag bago ka na, ako nga nag bago na #LabLabLabador [Redd heart emoji].”

SCREENSHOT: @rendonlabadorfitness on Instagram

May banat din si Labador sa showbiz writer/host and insider na si Cristy Fermin na nagsabi umanong wala naman daw naghahanap sa kanya after ma-delete ang FB page n’ya.

“Ikaw tlagang matanda ka, hindi ka na natuto. Pasalamat ka nag bago na ako… #LablabLabador [Red heart emoj],” pahayag n’ya laban kay Manay Cristy.

Pinatatawad na rin umano n’ya si Vice Ganda at humiling na sana ay mag-public apology ito.

“Pinapatawad ko na si Vice Ganda sa mga nagawa niya, lab lab muna tayong lahat # LabLabLabador [Red heart emoji,” sabi n’ya sa kanyang Instagram Story.

“Huwag mo nalang uulitin at sana mag public apology ka na. Ako ay nakiki usap sayo, para sa taumbayan.. para sa kabataan [Folded hands and red heart emojis],” mensahe pa n’ya kay Vice.