Nagpaunlak na mag-open up ang aktres na si Lotlot de Leon tungkol sa kanyang relasyon sa kanyang former husband and former mother-in-law.
Matapos n'yang i-share sa kanyang September 8 YouTube vlog called "Heart to Heart Interview | Life Update" ang estado ng relasyon nila ng kanyang Mommy Nora Aunor, nagbahagi naman si Lotlot tungkol sa ugnayan o pakikitungo n'ya sa kanyang ex-husband na si Ramon Christopher at sa nanay nitong si Ms. Pilita Corrales.
Sa online tsikahan kung saan nakasama ng aktres ang close friend n'ya at showbiz writer na si Rommel Gonzales, natanong si Lotlot sa relasyon nila ng kanyang former mother-in-law na si Pilita.
"I don't know," tugon n'ya. "I don't know if we have a relationship anymore."
Matatandaang hindi na naging maayos ang relasyon ni Lotlot sa kanyang former biyenan mula nang maghiwalay sila ni Monching noong 2003. And every once in a while ay nere-refresh ang kanilang feud sa media. Ang pinakahuli ay noong lang February 2020 kung kailan nasangkot si Janine sa kontrobesrya regarding her social media statement against Senator Bong Revilla, which did not sit well with the senator’s manager Lolit Solis. Samantala, mas kumampi si Pilita—na nag-guest sa Take It Per Minute, Me Gan’un online show ni Lolit—kay Lolit at kay Bong at openly nitong sinabi na pinagalitan niya ang apo. To the rescue naman, of course si Lotlot sa anak.
Nanahimik din ang issue kalaunan pero nadagdagan ang tila bad blood between Lotlot and Pilita.
Pero pahayag naman ni Lotlot sa kanyang vlog, wala naman daw kaso sa kanya kung wala silang ugnayan ng dating biyenan. Basta daw at nakikita n'yang mahal ng tinaguriang "Asia's Queen of Songs" ang mga anak nila ng dating n'yang asawa ay okay na ‘yon.
"But you know, sa akin kasi, okey na mahal n'ya 'yong mga anak ko. Okey na mahal n'ya 'yong mga apo n'ya. For me, kahit hindi na ako, e, 'di ba? Okey na sa akin...mga bata na lang.
"And in fairness to her, she's always been there for my children as well. And because of that, I'm grateful to her. I'm grateful for the kindness she has always shown to my kids."
Dahil natanong na rin lang ang status ng relasyon nila ng dati n'yang biyenan, kinumusta na rin ni Rommel kung maayos din ba ang relasyon niya sa kanyang former husband na si Monching.
"Okey naman kami," sagot ng 49-year-old actress-entrepreneur.
(Fourteen years nagsama sina Lotlot at Monching bilang mag-asawa (mula 1989 hanggang 2003), habang 2008 naman na-annul ang kanilang marriage.)
K’wento pa n'ya, nagkikita pa rin daw sila paminsan-minsan kapag bumibisita sila ng kanyang Lebanese husband na si Fadi sa bahay ng panganay nilang anak na si Janine.
"Sometimes we see each other," paglalahad ng award-winning actress. "Kami ni Fadi when we go to Janine's house, sometimes he's there. Kapag may basketball time si Diego, he is there. Wala naman kaming problema. We're okay.
"Kami naman kasi as parents, I think it's already understood that when it comes to the kids we will always be there. We will always united."
Pag-amin pa n'ya, hindi daw naging madali ang lahat noong umpisa pero natutunan din nilang tanggapin ang kanilang sitwasyon para sa kanilang mga anak kalaunan.
"S'yempre, it wasn't easy at the beginning but we learned through the years on how to get along and how to manage things, especially for the kids," salaysay ni Lotlot.
"Kasi kailangan kami ng mga bata, as parents. And s’yempre, we want to have a healthy relationship with our children. We want them to be happy as well, 'di ba?
"So, whatever it is that we went through in the past, we have learned to put that all aside because of the kids.
"It may not have been easy in the beginning," pag-ulit n'ya,"but we learned and thank God naging maayos naman na. Naging okey naman kami ni Mon."
YOU MAY ALSO LIKE:
Sen. Bong Revilla, sumagot na sa issue with Janine Gutierrez: “Wala na sa akin ’yon.”
