Ang dating Ms. International at award-winning actress na si Kylie Verzosa ang napili na Tanduay Calendar Girl for 2023.
Ani Kylie, sobra daw siyang natuwa nang malaman niya kay Boss Vic del Rosario na siya ang choice ng nasabing liquor company na maging calendar girl para sa parating na taon.
Tulad daw ng ibang kababaihang artista, pangarap din niya ang maging calendar girl ng number one rum company sa Pilipinas.
Maituturing na bonus rin daw ang blessing na ito pagkatapos niyang manalo ng Actress of the Year award sa Distinctive International Arab Festival Awards (DIAF) sa Dubai kamakailan.
“I really feel so blessed na tuloy-tuloy 'yong blessings. I really feel so grateful sa mga nangyayari sa akin. That you reap the fruits of your labor,” aniya.
Hirit pa niya, hindi pa rin daw nagsi-sink sa kanya hanggang ngayon na nanalo siya ng international acting award for The Housemaid.
“Sobra siyang nakakataba ng puso. Actually, hindi pa siya nagsi-sink in sa akin. Noong nalaman ko, tinanong ko kung sure sila. Sampu kasi 'yong nakasama sa shortlist and I’m glad na ang The Housemaid 'yong nanalo,” k'wento pa ni Kylie.
Tungkol naman sa kanyang pagkakapili bilang calendar girl, pinaghandaan daw talaga niya ang pictorial.
“I really prepared for the shoot. I ran, did boxing and workouts. I did pilates, yoga, sauna. Nag-diet ako. Since I’m a pescatarian, I’m on a vegetable diet. I don’t eat chicken or pork,” pagbabahagi niya.
Dagdag pa niya, isang karangalan daw para sa kanya na maihanay sa mga naglalakihang pangalan na naging calendar girls na ng Tanduay.
“It feels surreal to become a Tanduay Calendar Girl, especially if you consider all the strong and beautiful women who came before me like Heart Evangelista, KC Concepcion, and Bea Alonzo. It feels great to be in their company,” ani Kylie.
Ayon naman kay Marc Ngo, International Business Development Manager at Senior Branch Manager ng Tanduay Distillers, Inc., nakita nila kay Kylie ang mga katangian ng perfect calendar girl para sa kanilang brand.
“Kylie is a multi-faceted talent whose appeal comes from her beauty and brains as well as the strength of her advocacies. She is the perfect embodiment of the brand for 2023 as we seek to engage with varied customer profiles in different markets while continuing to serve our customers in the Philippines,” aniya.
Tulad ni Kylie, ang Tanduay ay nagwagi na rin ng awards at distinctions sa ibang’t-ibang international award-giving bodies. Isa na rito ang gawad na World’s Number 1 Rum mula sa prestihiyosong Drinks International Magazine for five consecutive years. Kinilala rin itong Brand of the Year under the rum category ng London-based World Branding Awards for seven consecutive years.
YOU MAY ALSO LIKE:
Pika's Pick: Kylie Verzosa is Tanduay calendar girl for 2023
Kylie Verzosa, mataas ang kumpiyansa kay Herlene Budol
Kylie Verzosa, hindi pa handang magmahal muli
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
