Ibinahagi ng singer-actress na si Kim Molina ang sikreto kung bakit solid ang relasyon nila ng nobyong si Jerald Napoles kahit na may walong taon silang age gap nito.
Natanong kasi si Kim sa virtual media conference para sa upcoming Maalaala Mo Kaya (MMK) episode n’ya, kung ano ba ang mga natutunan n’ya pag dating sa love sa kabila nga ng pagkakaroon ng malaking age gap.
“Wow! Pang-beauty queen ang question,” natatawang pick up ng Viva actress sa tanong.
“Nakakatawa lang kasi pag narinig ni Jerald ‘tong age gap, no? Hahaha! Parang sampal na sampal sa kanya ‘yong age n’ya” panlalaglag pa n’ya sa kanyang nobyo.
Paliwanag ni Kim, “Well, eight years lang naman ‘yong agwat namin. But I think, si Je kasi ano, e, sa personal, second boyfriend ko pa lang si Je. Puro mga long term ‘yong mga boyfriends ko. So I think keep talking about connections kahit kanina pa the way my support system helps me while I cope with COVID, it’s the same thing with love, think.”
At sa puntong ito na n’ya ibinahagi ang sikreto nila ni Jerald kung bakit matibay ang kanilang relasyon na magse-seven years na sa July.
“Kami ni Je, the reason why solid kami is because we connect,” pahayag ni Kim. “With everything that I want to do in life and with everything that I believe in, and whatever goals he has, I believe in it ‘cause I connect with him.”
Pagpapatuloy pa n’ya, “Kasi kung wala po ‘yon, paano? Paano magwo-work ‘yon, ‘di ba?
“It’s like having two hands holding each other. How are you going to hold it tight if you’re not connecting? ‘Yon ‘yong number one na natutunan ko all throughout my relationship with him.”
Matatandaan na nagsimula ang pagtitinginan nina nina Kim at Jerald nang magkatrabaho sila noon sa Filipino musical na “Rak of Aegis.”
“Hindi ko masabing sa lahat ng generation kasi second ko pa lang s’yang boyfriend,” natatawang pagpapatuloy ni Kim. “I don’t have any other experiences with that.
“But aside from that, aside from relationship with the boyfriend or d’yowa, lahat po ‘yon, it’s a domino effect with your family also, with your friends, your love with your friends,” dugtong pa n’ya.
“I mean, kung paano ka makikipag-usap sa kaibigan mo, paano tatagal ang isang pag-uusap hanggang umaga, hanggang pagsikat ng araw kung hindi kayo ko-connect?
“So, sa lahat ng aspeto ng pag-ibig, ng love, I think that the one thing that you must have, you need connection. I thank you,” pagtatapos ni Kim.
Makakasama ni Kim sa MMK episode na “14 Years of Love” si Pepe Herrera at mapapanood ang said epsiode sa June 5, 9 PM, sa Kapamilya channel, Kapamilya Online Live on YouTube and Facebook, and other ABS-CBN digital platforms.
Maliban pa rito, bibida naman sila ni Jerald sa upcoming movie na Ang Babaeng Walang Pakiramdam which will start screening on June 11 sa streaming app ng Viva na Vivamax, ktx.ph, at iWantTFC.
YOU MAY ALSO LIKE:
Exclusive: The KimJe couple answers Pikapika’s Random Questions
FOLLOW US ONLINE:
Facebook: https://www.facebook.com/pikapikashowbiz
Twitter: https://twitter.com/pikapikaph
Instagram: https://www.instagram.com/pikapikaph/
YouTube: https://www.youtube.com/pikapikashowbiz
and join our Viber Community: https://tinyurl.com/PikaViber
