pikadaily

Wala daw idea ang singer na si Katrina Velarde kung bakit, paano, at saan nanggaling ang ibinabansag sa kanya ngayon sa showbiz bilang Asia's Vocal Supreme.

(Nakilala siya noon bilang Suklay Diva matapos mag-trending ang video niya habang kumakanta na may hawak-hawak na suklay.)

Iyan ang sagot niya sa isang netizen na kumuwestiyon sa titulo niyang ito partikular na sa salitang “Asia" na nakadikit dito.

Sa Facebook post kasi ng Viva Live, Inc. last Sunday, February 5, ay naihanay si Katrina sa mga bigating guest performers sa The Louie Ocampo Composer Ka Lang Concert gaya nina Megastar Sharon Cuneta, Asia's Songbird Regine Velasquez, Concert King Martin Nievera, at marami pang iba. Dito ay tinawag siyang Asia's Vocal Supreme.

"DAY 2 | Asia’s Vocal Supreme @katrinavelarde24 at Louie Ocampo Composer Ka Lang 45th Anniversary Concert at the The Theatre at Solaire 🙌🏻," pagbibida ng Viva Live, Inc. sa FB post nito kalakip ang ilang photos ni Katrina while performing onstage.

Isang netizen naman ang nagtanong sa comment section ng, "Panu siya naging Asia's?" 

Si Katrina mismo ang sumagot dito at sinabi niyang maging siya mismo ay wala daw alam kung bakit iyon ang ibinigay na titulo sa kanya. 

"[A]bay malay ko. Wag ka na pasimpleng basher. Di ko din alam baket," tugon n'ya.

Kinuyog naman ng mga supporters ng singer ang nagtanong na netizen. Deserve naman daw kasi ni Kat ang kanyang titulo sa kanyang husay sa pagkanta.

Sagot naman sa kanila ng nasabing netizen, "Relax. mas ok kung tawagin 'the vocal supreme' Kasi hindi naman maikakaila mataas tlga boses nya..pero Asia's? It's too early."

Napa-post naman si Katrina sa Facebook kagabi, February 6, patungkol sa pagkukuwestiyon na ito sa title niya.

"Pano daw ako naging ASIA? Abay malay ko! Di ko din alam. Wag kayo mag alala, nag wowonder din ako baket 🤣," pahayag ng Viva recording artist.

"Lagi ko sinasabi pag iintroduce ako, Katrina Velarde lang. Kaya di ko din talaga alam 🤣," pagtatapos niya.

Anyway, magbabalik si Katrina bilang isa sa mga guest performers sa Valentine's installment ng The Louie Ocampo Composer Ka Lang Concert on February 15.

For inquiries and tickets, call VIVA LIVE  at 8687-5853 local 841 or (+632) 968-310-2927  and TicketWorld at https://bit.ly/LouieOValentineTickets.

FOLLOW US ONLINE: 

Facebook: facebook.com/pikapikashowbiz

Twitter: twitter.com/pikapikaph

Instagram: instagram.com/pikapikaph/

YouTube: youtube.com/pikapikashowbiz

TikTok: https://vt.tiktok.com/ZGJBapkV4/

and join our Viber Community: tinyurl.com/PikaViber