.jpg?v=1689928210)
Si Julie Anne San Jose pala, katulong ang kanyang pamilya, ang pasimuno sa nangyaring surprise birthday party para sa nagpapatibok ng puso n’ya ngayon na si Rayver Cruz.
Naganap ito kagabi, July 20, na dinaluhan ng relatives ng aktor at malalapit nilang mga kaibigan.
Tsika ng singer-actress na si Geneva Cruz sa social media post nito ngayong araw, July 21, si Julie Anne daw ang nag-organize ng party para sa birthday celebrant n’yang pinsan.
Binati kasi nito ang aktor who just turned 34 at doon nga ay nasabi nito na si Julie Anne ang punong abala sa gathering na dinaluhan nila.
“Happy Birthday, cous @rayvercruz! May God grant your heart's desires and make all your plans succeed. [Folded hands and three sparkles emojis],” pagbati ni Geneva kay Rayver.
“And what a fantastic surprise organized by your @myjaps with the help of her family… ang sweet naman talaga. [Face holding back tears emoji] Love you!!! [Green heart emoji] #family #cruzfamily #cruzcousins,” saad pa n’ya.
Kalakip pa nito ang ilang photos n’ya kasama ang JulieVer couple at ang ilang videos ng mga kaganapan sa party.
Gaya sa tsika ni Geneva, ito rin ang sinasabi sa social media post ng Sparkle, ang talent arm ng GMA Network na kinabibilangan nina Julie and Rayver.
“Sweetness overlooooad! [Three smiling face with hearts emojis]. Asia's Limitless Star Julie Anne San Jose throws a surprise party for Rayver Cruz on his special day!” pahayag ng Sparkle sa kanilang post.
Maliban sa in-organize na surprise party, nauna nang pinakilig ni Julie Anne si Rayver through her heartwarming birthday message sa Instagram.
Blessing daw kasi sa buhay n’ya ang Kapuso hunk.
“You are simply amazing in the greatest ways I can ever imagine and I’m so proud of you. The love and friendship we share, your willingness to walk through life with me, and the joy you bring to many are only few of the things I consider blessings because you are a beaming ray of light that makes everything a whole lot better,” mensahe ng Asia’s Limitless Star sa aktor.
“Today is extra special and we’re celebrating you. Happiest birthday to the man who makes my heart the happiest! May God grant you your heart’s desires and unlimited blissful days yet to come. I love you @rayvercruz,” pagtatapos ni Julie.
Tugon naman dito ni Rayver sa comment section: “Ikaw pinaka magandang blessing na natanggap ko sa buhay ko I love you so much my love thank youuuu [Face holding back tears, heart suit, smiling face with heart-eyes, face throwing a kiss, and red heart emojis].”
Samantala, patuloy na magpapakilig ang dalawa mula sa TV and social media hanggang sa big screen dahil ipalalabas na ang first ever movie nila na The Cheating Game simula ngayong July 26 in cinemas nationwide.
YOU MAY ALSO LIKE:
Para kay Rayver Cruz, si Julie Anne San Jose na ang “the one” kahit hindi pa sila “official”
Julie Anne San Jose, natatawa kapag tinatawag na Mrs. Cruz; Rayver Cruz, kilig na kilig naman
Rayver Cruz, tiniyak na kikiligin ang JulieVer fans sa concert nila ni Julie Anne San Jose
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
