Tila na-caught offguard si Julia Barretto pagpasok niya sa venue ng 16th birthday party ng anak ni Ruffa Gutierrez na si Lorin na ginanap last Saturday, August 31, sa Whitespace Makati.
Nasa bukana kasi ang ilang press people na imbitado sa event, kabilang na ang pikapika.ph, kaya naman agad siyang nakuyog.
Polite at ma-PR pa ring hinarap ni Julia ang mga entertainment reporters na nangungumusta lang naman. Hindi ito umiwas o nag-excuse. Hindi nagkunwaring nagmamadali or anuman.
Unang naitanong ay Julia ay kung ano ang birthday wish niya sa kaibigang si Lorin.
“How old is she, 16? My gosh, I wish I was 16 again!” masayang panimulang tsika ni Julia.
“My birthday wish for her, sana ma-achieve niya lahat ng dreams niya, focus on her studies, at marami pa siyang ma-achieve in the future for herself, and to enjoy her youth.”
Natatawang dagdag niya: “Huwag munang magbo-boyfriend!”
Say pa ni Julia, baka yon din daw ang i-advise niya sa 16-year-old self niya kung sakali.
At 16 daw kasi ay nag-aartista na siya, unlike Lorin na naka-focus pa sa pag-aaral at sa pagka-bagets. But things worked out for her naman dahil marami naman na daw siyang natutunan sa showbiz mula nang pasukin niya ito.
“The best lesson I’ve learned about life for how many years that I’ve been in the business, siguro is to have compassion for other people.”
At kahit hindi direktang tinumbok ang controversy na kinasangkutan niya recently—kung saan umani siya ng sandamakmak na online bashings at misjudgements, nakangiti pa ring sinagot ni Julia ang pasundot na tanong na “mabuti at happy siya at party mode na.”
“I have a very solid and very strong support system,” say ni Julia. “My family has been a big factor in the healing process and everyone’s moving forward na, ’di ba?”
Sa puntong ito ay lumapit na ang mommy ni Julia na si Marjorie Barretto na malamang ay nagwo-worry na baka masyado nang na-iintriga sa tsikahan ang anak. Hindi naman ito nanaway kundi lumapit lang nang kaunti. Maya-maya pa ay nagpa-unlak ang mag-ina sa picture-taking.
Mas naunang dumating sa venue si Marjorie at agad na naki-table sa mga kaibigang sina Richard Gomez at Lucy Torres. Solo namang dumating si Julia na mukang fresh at well rested.
Ayon pa pala kay Julia, nasa editing stage na ang Block Z horror movie nila ng ex-boyfriend and ex-loveteam partner niyang si Joshua Garcia pero hindi daw malinaw sa kanya kung kailan ang showing. May balitang baka makapasok ito sa Metro Manila Film Festival 2019 sa December.
YOU MAY ALSO LIKE:
Kyle Echarri shows support for Julia Barretto; “Never let the ‘talks’ bring you down.”
Julia Barretto is all prepped to move into a new home
Julia Barretto breaks her silence, fires back at Bea Alonzo, “You can play victim all you want, but I refuse to be your victim.”
Julia Barretto mutes comments on Instagram
