Sobrang proud ang award-winning actor-director na si Eric Quizon sa kanyang bagong role bilang head ng Star Center ng Net-25.
Katunayan, feeling daw niya ay naging instant dad siya sa 31 homegrown talents na sina Aaron Gonzalez, Arwen Cruz, Bo Bautista, Celyn David, Crissie Mathay, Dana Davids, David Racelis, Drei Arias, Gera Suarez, Gia Gonzales, Jam Aquino, Jannah Madrid, John Heindrick, Juan Atienza, Kanishia Santos, Migs Pura, Marco Ramos,Mischka Mathay, Miyuki de Leon, Nate Reyes, Nicky Albert, Ornella Brianna, Patrick Roxas, Rachel Gabreza, Shanicka Arganda, Shira Tweg, Sofi Fermazi, Tim Figueroa, Via Lorica, Victoria Wood, Yvan Castro at Zach Francisco.
All 31 aspiring actors and actresses ay nagpakita ng galing sa ginanap na Star Kada: NET25 Star Center Grand Launch kamakailan.
K'wento ni Eric, sobra daw siyang napabilib sa potensyal sa pagkanta, pagsayaw, at pag-arte ng napili nilang talents na galing sa 400 + auditionees na bago iprinisinta sa press at pawang sumailalim muna sa mga rigid workshops at training programs.
"The show [that you just saw] is a testament to their hard work, dedication, and the belief that anyone can achieve their dreams with the right training and support," pagmamalaki niya. "What you just witnessed was not just a culminating show; it's a celebration of their journey. What's more exciting was their family and friends were able to witness the celebration."
Pagbibida pa niya, ang iba raw sa mga new talents nilang ito ay may gagawin ng major projects sa network.
Nilinaw din niya na hindi exclusive sa NET-25 ang kanilang talents bagamat eksklusibo sila sa Star Center.
"If there's a chance na makatrabaho sila sa ibang networks at makasama sa malalaking artista, I will not stop that opportunity. I will let them enjoy the moment. Kasi, ang sa akin, for them to become stars, they must be with stars. Yes, I will allow them. Depende, of course, just like any management, aalamin muna namin 'yong role, kung maganda ba 'yong role, bagay ba sa kanila or sa tingin ba namin would be beneficial to their stature as actors, why not?
"Kunyari, ba't namin pipigilan ang mga artista namin kung makakasama nila si Coco Martin o si Dingdong Dantes o Marian [Rivera]? Why will I not be happy to allow them na magkaroon ng chance o opportunity ang wards namin na makatrabaho ang malalaking directors sa industry?
"So, p'wede silang hiramin," paliwanag niya.
Dahil busy sa kanyang bagong role, aware naman si Eric that his acting career might take a backseat for the meantime.
"Medyo maapektuhan pero hindi ako magre-retire. I think, once an actor, always an actor," bulalas niya.
Katunayan, may offer daw sa kanya na gumawa ng isang ambitious project na kukunan pa sa ibang bansa pero ayaw daw muna niyang i-divulge ang detalye hanggang hindi nasisimulan.
Ayon naman sa NET25 president na si Caesar Vallejos, excited siya na magiging ambag ng homegrown talents ng network sa global entertainment industry.
"These new talents have been carefully selected for their unique perspectives, exceptional skills, and the passion they bring to their craft. They represent a diverse range of backgrounds and experiences, ensuring that we continue to reflect the rich tapestry of our global audience.
"In the coming months, you can look forward to seeing these fresh faces in a variety of exciting projects, from scripted series to reality shows and beyond. We firmly believe that their contributions will not only captivate your hearts but also warmly embrace the cherished values of Filipino families," aniya.
Pagkatapos ng kanilang launch, mapapanood na ang kanilang homegrown talents sa STAR KADA: THE ROAD TO KADA 25, isang daily afternoon reality show at KADA 25, isang musical light drama series na ipalalabas sa first quarter of 2024.
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
