Denise Esteban, na-trauma sa pag-hold sa kanya ng immigration officer sa NAIA

Pinayagan naman daw si Denise Esteban na makalipad pa-Japan ilang minuto bago mag-take off ang sasakyan niyang eroplano. Ganu'n pa man, traumatic daw iyon sa kanya dahil kung sakaling na-off load s'ya ay mapapalitan siya bilang cast member ng Japino.

PHOTO: @styledbyjemstaana on Instagram

Pinayagan naman daw si Denise Esteban na makalipad pa-Japan ilang minuto bago mag-take off ang sasakyan niyang eroplano. Ganu'n pa man, traumatic daw iyon sa kanya dahil kung sakaling na-off load s'ya ay mapapalitan siya bilang cast member ng Japino.

Natatawa na lang nang ikinuwento ng Vivamax actress na si Denise Esteban ang traumatic experience niya noong minsang nag-travel siya papuntang Japan.

Naranasan kasi niya ang madalas mabalitang pagho-hold ng mga immigration officers sa mga Pinoy na lalabas ng bansa sa Ninoy Aquino International Airport (NAIA). 

Inilahad niya ito sa entertainment press sa recent media conference nila for their upcoming movie Japino.

Maraming eksena nila ang kinunan sa Land of the Rising Sun kaya naman kinumusta ng pres people ang naging karanasan ng first-time traveler abroad na si Denise.

Dito na niya nailahad ang nakakaloka niyang experience dahil hinold umano siya ng immigration officer sa NAIA at hinanapan ng iba't ibang papeles. 

"Nu’ng nandoon na kami sa airport, kinakabahan na ako kasi maraming akong napapanood [na reklamo sa news] na hino-hold talaga," panimulang kuwento ng aktres. 

Sinagot naman umano niya nang maayos ang mga tanong pero nataranta na raw siya nang kung ano-ano na ang inuusisa sa kanya.

"Hindi ko alam ang iba kong isasagot nu'ng nakakita sila ng konting bagay na gusto nilang punahin [sa dala kong papers]," aniya. 

Dahil hindi umano satisfied sa kanyang mga sagot, sumalang daw si Denise sa second interview.

"Tapos pinapunta po ako doon sa parang cubicle. Kinausap po ako nang masinsinan. 'Anong gagawin mo sa Japan? May kamag-anak ka ba doon?'" tanong umano ng immigration officer sa kanya. 

"Sabi ko, 'Opo, nandu'n 'yong kapatid ng nanay ko.' Ganito, ganyan," tugon naman daw niya rito. 

Kasunod nito ay binusisi ang mga dala niyang dokumento.

'Nag-check po sila ng bank statement. E, walang laman 'yong bank account ko. Hahaha! E, for tourist, kailangan may pera, 'di ba? E, walang laman," natatawang pag-amin ng aktres. 

Nakuwestiyon din umano ang pagkakaiba ng surnames ng mommy at tita niya kaya kung ano-anong supporting documents daw ang hinanap sa kanya. 

"Tapos 'yong surname ng tita ko doon iba sa surname ng mom ko. So, parang nagdalawang isip sila. Akala nila 'yon [tita ko] ang magbubugaw sa akin sa Japan. kaya hinold ako doon ng ilang minutes," lahad pa ni Denise.

Pinayagan naman daw siyang makalipad ilang minuto bago mag-take off ang sasakyan niyang eroplano.

Ganu'n pa man, traumatic daw iyon sa kanya dahil kung sakaling na-off load s'ya ay mapapalitan siya bilang cast member.

"Pinakawalan ako nga ten minutes before umalis 'yong [eroplano]. Kaya sobrang kaba ko kasi pag naiwan ako, mapapalitan na ako [sa movie]," pagpapakatotoo niya. 

"Iyon po. Basta hinold po ako. Ibang klaseng experience 'yon," she added.

Na-curious naman ang press people kung paano siya nakalusot gayong marami palang papers na hinahanap sa kanya. 

"Hindi ko alam. Pinagtripan po ata ako, e," sagot ni Denise. 

"Pina-send po ang birth certificate ng mom ko, birth certificate ng tita ko, marriage contract, ID ng tatay ko," she went on.  

"Nu'ng malapit nang umalis ang eroplano pinaalis din po ako. Pinapasok rin po ako. So, baka trip lang talaga [nila]. Parang nakita nila na, 'Ah, first time nito. Takutin natin.' Ganu'n."

Pagkukumpara pa niya, malayong malayo raw ito sa na-experience niya with the Japanese immigration officer nu'ng nasa Japan na sila dahil wala daw kaabe-aberya doon.

At bagama't nakaalis naman ng bansa at nakauwi na dito sa Pilipinas si Denise, aminado siyang nakakaramdam siya ng takot sa tuwing pupunta ng airport.

Gaya na lang umano nang lumipad sila papuntang Bacolod, kahit na hindi naman dadaan pa sa Bureau of Immigration, nakaramdam pa rin daw siya ng kaba.

Anyway, mapapanood ang movie'ng Japino ni Denise Esteban na tungkol sa buhay mga OFWs at mga Japino (anak ng Hapon at Filipino sa Japan) simula bukas, November 10, sa Vivamax.

Kasama niya rito sina Angela Morena, Vince Rillon, Ali Asistio, at iba pa.

Vivamax is available at web.vivamax.net. You can also download the app and subscribe via Google Play Store, App Store, and Huawei AppGallery.

Subscription options include: P29 (unli-watch all Vivamax titles for three days); P149/month; and P399 for 3 months for bigger savings.

You can also cast your screen from your device to Smart TV with Google Chromecast or Apple TV.

Vivamax is also now available for Pinoys in the Middle East—UAE, Saudi Arabia, Kuwait, Oman, Bahrain, and Qatar—for only AED35/month; in Europe for only 8 GBP/month; and Asia (Hong Kong, Japan, Malaysia, and Singapore).

Meron na ring Vivamax for Pinoys in Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, US, and Canada.

 

 

YOU ALSO LIKE:

Denise Esteban, minsan nang naalok maging stripper sa isang bar

Look: The lovely Denise Esteban in her first solo starrer Kara Krus

Parents ni Denise Esteban, bababa mula Baguio para panoorin ang screening ng launching movie niyang Kara Krus; aktres, kabado

Exclusive: Denise Esteban, na-excite nang aluking magpa-sexy sa movie; “Ginagawa ko na din naman sa Instagram, e.”

 

FOLLOW US ONLINE: 

Facebook: facebook.com/pikapikashowbiz

Twitter: twitter.com/pikapikaph

Instagram: instagram.com/pikapikaph/

YouTube: youtube.com/pikapikashowbiz

TikTok: https://vt.tiktok.com/ZGJBapkV4/

and join our Viber Community: tinyurl.com/PikaViber

Welcome to pikapika.ph! We use cookies to ensure your best experience when browsing this site. Continuing to use pikapika.ph means you agree to our privacy policy and use of cookies.