Nakuha daw ni Matteo Guidicelli ang pagiging dog lover n’ya sa asawang si Sarah Geronimo.
Ito ang ibinahagi ng TV and movie actor sa naging virtual interview sa kanya ng Pawplife, isang online community ng mga pet lovers, na in-upload sa YouTube kamakailan.
Dito, ikinuwento ni Matteo na lumaki s’ya na meron silang mga alagang aso pero mas lumalim daw ang pagmamahal n’ya sa mga ito dahil sa kanyang misis na si Sarah.
“We grew up with dogs. I love dogs. But think my appreciation and love for them has gone a deeper level because of Sarah,” lahad ng Viva actor.
Parang tao din kasi kung ituring ng Popstar Royalty ang kanilang fur babies.
“She treats dogs like, literally, like human beings. So, parang you appreciate everything more and see dogs in a different light now because of Sarah,” ani Matteo.
Kaya naman tulad ni Sarah, family members na din daw ang trato ng Filipino-Italian actor sa kanilang mga aso.
“You know, me before, pets are pets, ‘no? But now because of Sarah… We’re building a family and Sarah’s my wife now and I get to spend every day with her, parang my appreciation to animals has gone a deeper level, parang family members. Alam mo ‘yon?” natatawang paliwanag n’ya. “It’s kinda awkward to hear for some people but parang they are part of the family na, e.”
Malaking tulong daw sa kanilang mag-asawa na meron silang mga alagang aso na, somehow, ay nagpapagaan sa kanilang buhay sa kabila ng ongoing pandemic.
“Today, these guys give so much light to our life, give so much positivity to us and, you know, make us sleep better, have our days better,” pagbibida pa ni Matteo sa kanilang alaga. “Kumbaga, [they] make us smile brighter because of them. Dogs are incredible, e. Ibang level, e.”
Natanong si Matteo kung may plano ba silang magdagdag ng alagang aso ngayong nagsisimula na rin silang bumuo ng pamilya ng misis n’yang si Sarah.
“Sarah wants more dogs, but I said ‘wag muna. Three is enough for now,” natatawang sagot ng aktor. “But we’ll see in the future. We’ll see.”
Sa ngayon, kasama nina Matteo at Sarah si 04 na isang white Samoyed dog (at naging “special guest pa sa Tala The Film Concert kamakailan); ang puting dachshund na si Dakota, at ang newest addition sa family nila na si Theodore na isa naman light brown poodle.
YOU MAY ALSO LIKE:
AshMatt in Bliss: A year of exciting love for Sarah Geronimo and Matteo Guidicelli
FOLLOW US ONLINE:
Facebook: https://www.facebook.com/pikapikashowbiz
Twitter: https://twitter.com/pikapikaph
Instagram: https://www.instagram.com/pikapikaph/
YouTube: https://www.youtube.com/pikapikashowbiz
and join our Viber Community: https://tinyurl.com/PikaViber
