BarDa tandem nina David Licauco at Barbie Forteza, hindi naaasiwang ma-associate sa mga real-life couples na JulieVer at RuCa

“Me and Barbie [Forteza] have built a good working relationship na we know our limitations and boundaries na outside work, we’re just friends. And outside work, meron kaming personal life."—David Licauco

Photos: Instagram

“Me and Barbie [Forteza] have built a good working relationship na we know our limitations and boundaries na outside work, we’re just friends. And outside work, meron kaming personal life."—David Licauco

Naging isyu habang nasa Canada ang Sparkle top loveteams kabilang na ang BarDa tandem nina David Licauco at Barbie Forteza, na ang Sparkle Goes to Canada concert raw nila ay hindi naging matagumpay. Nandiyang may mga naglabas ng tsika na diumano’y nalugi ang producer sa Calgary show nila.

Nakausap namin si David sa mediacon ng pelikula niyang G! LU!, na ginanap sa KAO Manila Newport Resorts World, at tahasan namang itinanggi ni David ang tungkol sa nasabing balita.

“Marami namang nanood,” sabi niya. “Siguro ang naging problem, 'yung nag-snow. Pero despite that, hindi lang sobrang napuno, pero puno siya.  Kasi nga, may ibang nakabili ng tickets, pero hindi nakapunta.  S'yempre, mas iisipin nila ang safety over like watching us.”

Binigyang-diin nga ni David na hindi totoong nalugi ang kanilang producer sa Calgary habang angToronto show naman daw nila ay punong-puno.  

Samantala, kinumusta din namin kay David kung ano ba ang pakiramdam na among sa tatlong pares silang nag-Sparkle Tour in Canada—ang JulieVer tandem nina Julie Anne San Jose at Rayver Cruz at RuCa nina Bianca Umali at Ruru Madrid—ay tanging sila lang ni Barbie Forteza ang hindi totoong magka-relasyon.

“Me and Barbie have built a good working relationship na we know our limitations and boundaries na outside work, we’re just friends.  And outside work, meron kaming personal life," sagot niya.

“So, we know that at hindi naman ako 'yung type na magte-take advantage.  We’re happy na even if we’re not real-life couple, we still get to do those things.”

Hindi ba sila na-out-of-place sa dalawang real-life couples?

“Hindi naman, parang kami inaasar namin ang mga couples na, 'ang sweet n'yo.' Kami, naglolokohan lang.  So, gano’n naman kami outside television.  

“Friends, mga naglolokohan,” saad niya.

Sa isang banda, mapapanood na nga sa mga sinehan simula sa April 24 ang G! LU! na ginawa pa nila may limang taon na ang nakararaan. Kasama rin ni David dito sina Kiko Estrada, Derrick Monasterio, Teejay Marquez, Enzo Pineda, at Ruru Madrid.

“Mga barkada kami and each one of us, meron kaming tina-tackle na problems from love to family to gender issue and mental health issue," tsika ni Davids about their film. "So I think, the Gen Z and the millennials nowadays can relate.

“I’m super excited kasi for me, this is my second movie na ginawa and I think, ito 'yung movie na naging close ko sina Enzo, sina Derrick. Right now, we’re super close dahil na rin sa movie na 'to.”

Malaki ang casting ng pelikula. Pero sabi nga ni David, kung may isyu man daw sila sigurong lahat noong ginagawa nila ito, iyon ay 'yung mga katawan nila.

“Ako naman, ang tingin ko that time, ang competition na nakikita ko ay sa katawan. 'Parang mas batak ako sa'yo.' Mga gano’n lang naman, kasi bata pa kami no’n.  Yun lang ang problema namin, 'yung abs. ‘Pare, may abs ba ko?’  Mga gano’n lang.

“When it comes to acting naman, iba-iba naman ang roles namin at balance naman."

 

YOU MAY ALSO LIKE:

Barbie Forteza at David Licauco, mas komportable na sa kanilang pagkakaibigan behind the camera; “Nakarating na kami sa point na alam na namin kung papaano ang isa’t isa.”

David Licauco, umani ng kantiyaw sa netizens sa pagsagot niya ng "Ozawa" sa Family Feud

David Licauco, aminadong seloso; kung si Jak Roberto may JRU, meron naman daw siyang DLSU

 

FOLLOW US ONLINE: 

Facebook: facebook.com/pikapikashowbiz

Twitter: twitter.com/pikapikaph

Instagram: instagram.com/pikapikaph/

YouTube: youtube.com/pikapikashowbiz

TikTok: https://vt.tiktok.com/ZGJBapkV4/

and join our Viber Community: tinyurl.com/PikaViber

Welcome to pikapika.ph! We use cookies to ensure your best experience when browsing this site. Continuing to use pikapika.ph means you agree to our privacy policy and use of cookies.