Pangatlong beses na raw nilang pagta-trabaho ni David Licauco ang hit seryeng Maria Clara at Ibarra, according to Barbie Forteza at gaya ni David, nagugulat pa rin up to now si Barbie sa tinatamasang succces ng FiLay, ang nabuo nilang tandem sa nasabing historical portal series.
"There were no expectations and nu'ng unti-unti parang... actually kahit naman 'yung relationship ni Klay at saka ni Fidel na-build na lang din, e," panimula ni Barbie referring to their characters in the series.
"Pero nagsimula talaga kami aso’t pusa diba? Laging nagde-debate an all. At 'yon ang nagustuhan ng mga tao. So, from there, nagkaroon ng turning point 'yong characters namin kaya nagkaroon ng magandang character development pareho si Fidel at si Klay kasi nagkaroon ng malaking impact ang isat-isa.
"So, having this unexpected huge success that I share with David now feels so overwhelming and I'm so grateful na there are brand such as Ishin na talagang nagtitiwala sa amin to represent their brand. So, maraming, maraming salamat po," banggit pa niya sa kauna-unahang produktong ine-endorso ng kanilang unexpected loveteam.
Ang ikinakatuwa pa ni Barbie ay ang pagiging matured umano ng mga fans ng FiLay na bagama't kinikilig sa kanila ay hindi naman daw nag-e-expect ng milagro.
"I'm so happy kasi 'yong mga totoong supporters namin ni David—'yong fans ni David, 'yong solid Barbienatics, they respect our personal relationships and alam naman nila 'yon na outside FiLay, tao rin naman kami. We both have personal lives, we both have separate relationships and so nakakatuwa lang dahil matatalino ang mga supporters ngayon, ang mga fans ngayon na they're just so happy for the both of us because of FiLay and no other expectations."
(David, by the way, clarified na single siya at walang ka-relasyon pero hindi rin daw siya naghahanap dahil wala siyang oras para dito sa ngayon.)
Just the same, hindi pa rin naka-iwas si Barbie ng mga tanong na may kinalaman sa tunay na Fidel ng kanyang buhay, si Jak Roberto. Hindi raw ba ito nakakaramdam ng selos sa mga sweet moment ng FiLay at maging sa tinatamasang tagumpay ngayon ng kanilang tandem.
"Hindi," direktang sagot ni Barbie.
Imbes na selos daw ay matinding suporta ang ibinibigay sa kanya at sa kanila ni Jak, bilang kaibigan din daw nito si David.
"Sa totoo lang wala akong masabi kay Jak talaga dahil siguro malaking tulong na artista din s'ya and parehas kami ng industriya. Matagal na rin n'yang ginagawa ito so alam na niya ang kalakaran," esplika ni Barbie.
Dagdag pa niya: "Even with David and I, it's very clear to the both of us na this is a business partnership and we're both very grateful for FiLay.
"Pero si Jak, grabe parang ang laki ng pasalamat ko sa kanya kasi ni hindi ko kailangan i-explain sa kanya kasi naiintindihan n'ya talaga and he's just so happy for me, for the both of us kasi magkaibigan din sila ni David."
Malinaw naman daw na simula nang pumasok s'ya sa showbiz ay sa lang ang goal niya, ang maging aktres. At bahagi noon ang magpakilig kung kailangan ng role.
At ngayong may lalaki nang bumihag sa puso n'ya off-cam, mas malinaw umano na trabaho lang ang lahat. Kaya sakali mang may mag-ilusyon na p'wedeng maging sila ni David ay hindi umano mangyayari.
"Aside from David, I’ve been paired with a lot of GMA leading men before na naging kaibigan ko rin talaga and I cherish my friendship with them. And so, sabi ko nga parang kahit grabe at nakapa-unexpected ng success ng FiLay...pero hindi ko naman para kalimutan 'yong lalaki na nagpasaya sa akin for the past five years and still counting... 'yong lalaking kasama ko nu'ng pandemic nasasabihan ko ng personal struggles ko and all... the one whom I share my struggles with... kumbaga, in-accept n'ya rin ako ng buong-buo at ganu'n din naman ako sa kanya. Hindi ko naman 'yon kakalimutan just because of FiLay."
"But then again, I'm so grateful for the success, for this blessing that I share with David right now," patuloy niya. "And we're very good friends. I'm so proud to say that dahil...to be honest, dito lang sa Maria Clara at Ibarra kami talaga naging close dahil...ewan ko parehas nga kasi kaming introvert. So, medyo mahirap mag-approach sa isat-isa siguro. Apart from FiLay, nagpapasalamat ako na dahil sa FiLay, I gained a new friend na ang dami kong natutunan sa kanya in terms of business."
Besides, never naman daw nagka-issue si Jak sa sinumang ipinareha sa kanya. Malaki umano ang tiwala sa kanya nito at never niya kinailangang mag-esplika ng kung anuman.
"I never needed to assure him. Parang, parang ever since malaki naman ang tiwala sa akin ni Jak pagdating sa mga ganyang bagay and hindi ko kinailangan na parang i-argue 'yong sarili ko na parang patunayan na pagkatiwalaan mo ako, ganyan-ganyan. He just understands everything and very patient. Kasi naiintindahan ni Jak 'yong trabaho kasi ganito rin 'yong trabaho n'ya. So, I'm just so lucky to have him."
Sumundot pa rin ng tungkol sa selos ang nagtatanong na press at dito napa-amin nang slight si Barbie. Selos-papansin lang daw ang mga pahaging ni Jak at ang nakakatawa, hindi ito kay David "nagseselos" kundi kay Dennis Trillo!
"Mga pa-cute na selos. Hahaha! 'yong mga pa-tweetums lang ganyan kasi naghahanap ng cuddles, ganu'n. Kaya kunwari selos-selos. Hahaha!
"'Yong mga ganu'n lang naman. Pero nothing serious, e. S'yempre alam naman na n'ya na crush ko si Dennis Trillo so, s'yempre nu'ng time na marami kaming scenes together...mga pa-cute lang naman, 'Oh, kamusta ka na?' —kasi nasa lock-in kami noon, nasa Vigan pa kami noon nu'ng marami kaming eksena ni Dennis Trillo—sabi n'ya: 'Kamusta ka naman d'yan? Kamusta naman lagay ng crush mo?' 'Ayon crush ko pa din.' Hahaha!
"'Yon lang naman. Pero nothing serious. Napaka-understanding ni Jak talaga. Very supportive."
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
