Aicelle Santos, bukas sa ideya ng reunion concert with La Diva sisters Jona (Jonalyn Viray) and Maricris Garcia

PHOTOS: @aicellesantos on Instagram, @ladivatrio on Facebook

PHOTOS: @aicellesantos on Instagram, @ladivatrio on Facebook

Nalalapit na ang pre-Valentine concert ng tatlong bigating Kapuso singers na sina Aicelle Santos, Mark Bautista, at Christian Bautista.

Silang tatlo mismo ang producers ng kanilang concert na may title na "1 for 3."

Dito ipapamalas ng tatlo kung paano sila nag-grow as singers and performers mula sa pagiging mga kontesero at kontesera years ago. 

Kung si Mark Bautista ay nanalong third placer sa Search for a Star ng GMA7 noong 2004, naging grand finalist naman ng Star in a Million ang Asia's Romantic Balladeer na si Christian Bautista last 2003. 

Ang Kapuso Diva naman si Aicelle Santos ang itinanghal na Pinoy Pop Superstar season 2 1st runner-up noong 2005.

Naging performers sa Sunday musical variety show na ASAP sina Mark at Christian bago sila lumipat sa GMA Network. Si Aicelle naman ay naging regular singer sa SOP, Party Pilipinas at Sunday All Stars

Sa tatlong Kapuso singers na ito, tanging si Aicelle Santos lang pala ang homegrown artist ng GMA7.

Matatandaang kasama si Aicelle Santos sa singing trio na La Diva with Jonalyn Viray at Maricris Garcia na mga grand champions ng Pinoy Pop Superstar seasons 1 and 3.

Sa press conference para concert last January 15, naitanong ng pikapika.ph si Aicelle kung may tsansa ba na muli silang magsasama ng mga dati nyang kagrupo sa La Diva sa iisang concert.

"We'll, that's a dream," tugon ng Kapuso Diva.  "I mean, if magkaroon ng pagkakataon, it would be nice."

Sa ngayon kasi magkakahiwalay na ang singing trio na nakilala sa kanilang harmonious blending and belting style.

"Kasi may kanya kanya na kaming buhay," pagpapatuloy ni Aicelle.  "I'm sure everyone's curious kung 'Ano na ba'ng tunog nila [if they sing again] together.' Di ba? Ako din eh." 

Sa ngayon, nananatili sa poder ng GMA Network si Maricris, samantalang nasa ABS-CBN naman si Jonalyn na kilala na ngayon sa screen name nya na Jona. 

"I'm very happy kung nasaan 'yong bawat isa. Both are very successful, Maricris and Jonalyn, sa kanilang chosen paths."

Ngayon, performers sa musical variety show na All Out Sundays sina Aicelle, Mark at Christian kasama ang nagbabalik bansa na si Rachelle Ann Go.

Ang concert nina Mark, Aicelle at Christian na "1 for 3" ay gaganapin sa February 1 sa The Theater at Solaire.

Welcome to pikapika.ph! We use cookies to ensure your best experience when browsing this site. Continuing to use pikapika.ph means you agree to our privacy policy and use of cookies.